Сојузот на глуви и наглуви на Македонија заедно со Институтот за трајни заедници - ИТЗ (Institute for Sustainable Communities) во рамките на Програмата за Демократска Соработка (ПДС) го формира Младинскиот компјутерски центар за глуви лица кој ќе претставува средиште за развој на информатичката култура кај глувонемите лица.
        Младинскиот компјутерски центар ќе им овозможи на младите глувонеми да научат нешто за компјутерската технологија, за Интернет поврзаноста на светот и неговата филозофија.
        Во рамките на ПДС, Сојузот на глуви и наглуви на Македонија настојува да ја промени и образовната програма во училиштата за глувонеми деца. Преку контакти и активности со Министерството за образование се настојува информатиката да стане обврзен предмет во образованието на глувонемите лица.